काश मोरो बहिनी होतिस

उन भाइयों की मन की बात जिनके बहन नहीं है सभी बहनों को समर्पित💐🌼💐
काश! मोरो एक बहिनी होतिस...
✒✒- युवराज खेमेस्वर पुरी गोस्वामी
राजर्षि राजवंश-छत्तीसगढ़
8120032834/7828657057

चंचल भोली भाली अस
नटखट अउ इतरात अस
डोंहड़ी कस मुस्कात अस
आगर जस लहरात अस
हर एक हँसी म आेखर मैं
दुनिया के खुशी लुटा देतेंव
ओखर जौन माँग रतिस ते
नभ के तारा घलो ला देतेंव
छीन लेतेंव मैं हर जम्मो
मैं आंखी के ओखर मोतीस
काश.! मोरो एक बहिनी होतिस..

कतका खुशी के पल होतिस
हम संगे संग खेले करतेन
खींचा-तानी शैतानी घलो
लड़ते तको, रिसाए भी करतेन
वो मोला मनातिस फेर
मैं अऊ अइंठ जाये करतेंव
ऊपरले आँखी लाल करतेंव
मने मन में मुस्काये करतेंव
जा रे तोर ले  नि बोलन
तब ए कहिके, ओहर रोतिस
काश..! मोरो एक बहिनी होतिस..

दुल्हन जब भी बनतिस बहना
खुद मैं हर सजातेंव ओला
उठतिस डोली, दिल थाम खड़े
नम आँखी ले मुस्कातेंव मैं
भैया भैया कहितिस वो फेर
सीना से लिपट जातिस मोर
मैं सहलातेंव फेर चूंदी ल
जा पिया के घर तैं, प्रिय तोर
और दूर चले फेर वो जातिस
दिल म भारी बोझ ढोतिस
काश..! मोरो एक बहिनी होतिस...

मोरा सून्ना कलाई तड़प उठथे
खाली माथा हा! रोवत हे
राखी के पावन दिन में तो
दिल मेरा टूटे कस होवत हे
मोर मन कमल कस टुकड़ा में
आगी सही लग जावत हे
जब मैं ये सोचथंव तब
भुर्री कस छाती जलावत हे
मेरी खुशी के तस्वीर
काश नहीं ये सपना होतिस
काश..! मोरो एक बहिनी होतिस।