हम हन भारत के सच्चा बेटा
बल में नि हन कखरो ले कम,
मुड़ी उठा के जीथन जग मा
बुता अबड़ तो करथन हम।।
जम्मो झैन के आंखी के तारा
सुघर सपना तो गढ़थन हमन,
हमन तो हरन आशा भविष के
मुस्काई चेहरा ला देथन हमन।।
हमरे ले हे सुघर देश हमार
आऊ देश ले हम सब हन,
देश के नाम उंचा रहियय
अइसन करथन करतब हम।
हर कोनो के घर दिया जले
हर अंगना सुख के फुल खिलय।
चाह एके अब दुनियाभर मा
हिंदूस्तां ला बड़ सम्मान मिलय।।
🇮🇳🇮🇳 वंदे मातरम् 🇮🇳🇮🇳
🇮🇳🇮🇳 जय मां भारती 🇮🇳🇮🇳
✍ पं.खेमेस्वर पुरी गोस्वामी ✍
मुंगेली छत्तीसगढ़
8120032834
No comments:
Post a Comment