तैं होबे कहां

ये हिरदे म आके बसइया

तै होबे कहां

सपना म आके सतइया

तै होबे कहां

खोजत रहिथे दिन-रात

ये नजर तोला

मया के बगिया सजइया

तै होबे कहां

सजाके सिन्दुर मोर नाम के अपन माँग म

मोर लम्बी उमर के दुआ मंगइया

तै होबे कहां

कहुं चल देंव मुनधेरहा

कमाय बर खेत-खार कोति त

मोर बर चटनी-बासी के लवइया

तै होबे कहाँ~_li.》━━━━━━━━❈━━━━━━━《.li

लव यू जी

चेहरा तोर देख के लजावत रहिथे चंदा ।

तोर मया हो'गे रानी, मोर बर यमुना गंगा ।

बरजे ले तो मानय नही, बात मोर दिल ।

बईहा हो के तोर पाछु, दऊंड़े अखमुंदा ।

दिल हाथ मे धरके आए हावंव आज मै ।

मया देदे संगी, झन करबे मोला सर्मिंदा ।

आंखी मुंदाए नही रातभर जागत रहेंव ।

सुते नई सकंव आशा,मोर चाल होगे गंदा ।

जईसे भी तोर मर्जी, तै किरिया खवाले ।

मया करहुं तोला, मै जब तक हौं जिंदा ।

तोर दुआरी मे निकल के, देख तो सहीं ।

तोर मया के आसा मे, खड़े हावय बंदा ।

चल गोरी मया के' सुघर दुनिया बसाबो ।

तै मोर चंदैनी ओ रानी मै तोर हंव चंदा ।।

❤️💘🌹♥️💝♥️🌹💘❤️