चेहरा तोर देख के लजावत रहिथे चंदा ।
तोर मया हो'गे रानी, मोर बर यमुना गंगा ।
बरजे ले तो मानय नही, बात मोर दिल ।
बईहा हो के तोर पाछु, दऊंड़े अखमुंदा ।
दिल हाथ मे धरके आए हावंव आज मै ।
मया देदे संगी, झन करबे मोला सर्मिंदा ।
आंखी मुंदाए नही रातभर जागत रहेंव ।
सुते नई सकंव आशा,मोर चाल होगे गंदा ।
जईसे भी तोर मर्जी, तै किरिया खवाले ।
मया करहुं तोला, मै जब तक हौं जिंदा ।
तोर दुआरी मे निकल के, देख तो सहीं ।
तोर मया के आसा मे, खड़े हावय बंदा ।
चल गोरी मया के' सुघर दुनिया बसाबो ।
तै मोर चंदैनी ओ रानी मै तोर हंव चंदा ।।
❤️💘🌹♥️💝♥️🌹💘❤️
No comments:
Post a Comment