चातुर्मास महात्म्यम्
सुप्ते देवे जगन्नाथे, आषाढ़े हरिवासरै।
चातुर्मास्यव्रतं कुर्यात्, सर्वपापप्रणाशनम् ॥१
हरौ शयानं देवेशे, यः करोति व्रतं नरः।
तस्य तुष्टो भवेद्विष्णुः, ददाति परमं पदम् ॥२॥
वेदेषु च पुराणेषु, शास्त्राणामवलोकने।
चातुर्मास्यसमो नास्ति, पावनो भुवि कश्चन ॥३॥
आहारं मैथुनं निद्रां, रागद्वेषमथापि च।
यः संयच्छति वर्षासु, स योगी नात्र संशयः ॥४॥
सात्त्विकं भोजनं कुर्यात्, अल्पं च वरवर्णिनि।
तामसं वर्जयेत्सर्वं, व्रती भूत्वा समाहितः ॥५॥
श्रावणे वर्जयेच्छाकं, दधि भाद्रपदे तथा।
दुग्धं च आश्विने मासि, कार्त्तिके द्विदलं त्यजेत् ॥६॥
भूमौ शयनं कुर्वीत, ब्रह्मचर्यपरायणः।
अक्षय्यं लभते पुण्यं, विष्णुलोकं स गच्छति ॥७॥
असत्यं न वदेत्क्वापि, क्रूरवादं च वर्जयेत्।
मौनव्रतं विशेषेण, कीर्तितं सर्वसिद्धिदम् ॥८॥
अहिंसा परमं धर्मं, मनसा वचसा गिरा।
पालयेत्सततं धीमान्, सर्वभूतहिते रतः ॥९॥
नित्यं स्नानं प्रकुर्वीत, प्रात:काले विशुद्धधीः।
गायत्रीं च जपेद्भक्त्या, संध्यावन्दनतत्परः ॥१०॥
दीपदानं प्रकुर्वीत, हरये चक्रपाणये।
अंधकारक्षयो यद्वत्, ज्ञानदीपस्तथा भवेत् ॥११॥
तुलसीं पूजयेन्नित्यं, प्रदक्षिणामथापि च।
यः करोति नरो भक्त्या, तस्य नश्यति पातकम् ॥१२॥
परनिन्दां न कुर्वीत, परवादं च वर्जयेत्।
आत्मवत्सर्वभूतेषु, पश्येन्नारायणं प्रभुम् ॥१३॥
अन्नदानं जलं दानं, वस्त्रदानं च कार्त्तिके।
यद्दत्तं चातुर्मास्येषु, तदक्षय्यं भवेद्भुवि ॥१४॥
विष्णुकीर्तनसक्तो यः, पुराणाश्रवणे रतः।
तस्य तिष्ठति गोविन्दः, हृदये नात्र संशयः ॥१५॥
एकभक्तेन नक्त वा, यः करोति व्रतं मुदा।
आरोग्यं लभते नित्यं, धनधान्यं च वर्धते ॥१६॥
कांस्यपात्रं त्यजेन्नित्यं, पलाशपत्रभोजनम्।
सर्वकामप्रदं प्रोक्तं, ऋषिसंघैः पुरातनैः ॥१७॥
कामं क्रोधं च लोभं च, मोहमदं तथापि च।
त्यक्त्वा भजति यः कृष्णं, स जीवन्मुक्त उच्यते ॥१८॥
प्रबोधिन्यां प्रबुद्धे तु, वासुदेवे जगद्गुरौ।
व्रतप्रतिष्ठां कुर्वीत, विप्रान्नारायणं स्मरन् ॥१९॥
एवं यः कुरुते भक्त्या, चातुर्मास्यव्रतं शुभम्।
इहामुत्र च सौख्यं च, लब्ध्वा याति हरेः पदम् ॥२०॥
॥ इति श्री गृहावधूत खेमेश्वर पुरी जी महाराज विरचितं चातुर्मास्य महात्म्य स्तोत्रं सम्पूर्णम् ॥
No comments:
Post a Comment